សេចក្តីថ្លែងការណ៍៖ ចេតនាបំភាន់ការពិតរបស់ថៃ និងការបង្វែរការចាប់អារម្មណ៍អន្តរជាតិពីការឈ្លានពានដែលកំពុងបន្តរបស់ថៃ ដោយរួមទាំងការទម្លាក់គ្រាប់បែកក្នុងតំបន់ស៊ីវិល និងការប្រើប្រាស់សព្វាវុធខុសច្បាប់មកលើកម្ពុជា
នៅថ្ងៃទី២៣ ខែធ្នូ ឆ្នាំ២០២៥ អាជ្ញាធរកម្ពុជាគ្រប់គ្រងសកម្មភាពកំចាត់មីន និងសង្គ្រោះជនពិការដោយសារមីន បានចេញសេចក្តីថ្លែងការណ៍ចំពោះចេតនាបំភាន់ការពិតរបស់ថៃ និងការបង្វែរការចាប់អារម្មណ៍អន្តរជាតិពីការឈ្លានពានដែលកំពុងបន្តរបស់ថៃ ដោយរួមទាំងការទម្លាក់គ្រាប់បែកក្នុងតំបន់ស៊ីវិល និងការប្រើប្រាស់សព្វាវុធខុសច្បាប់មកលើកម្ពុជា។
ការចោទប្រកាន់របស់ថៃ តាមរយៈការប្រើប្រាស់រូបភាពមួយចំនួន និងអមដោយអំណះអំណាងដោយឯកតោភាគី គឺជាចេតនាបំភាន់ការពិត និងបង្វែរការចាប់អារម្មណ៍អន្តរជាតិពីទង្វើឈ្លានពានដែលកំពុងបន្តរបស់ខ្លួន ដោយរួមទាំងការទម្លាក់គ្រាប់នៅក្នុងតំបន់ស៊ីវិល និងការប្រើប្រាស់សព្វាវុធខុសច្បាប់មកលើកម្ពុជា។
អាជ្ញាធរកម្ពុជាគ្រប់គ្រងសកម្មភាពកំចាត់មីន និងសង្គ្រោះជនពិការដោយសារមីន
